விரைவில் திருமணம்... அமீருடன் காதலர் தினத்தை ரொமான்டிக்காக கொண்டாடி அதகளம் செய்யும் பாவனி!!209968109

விரைவில் திருமணம்... அமீருடன் காதலர் தினத்தை ரொமான்டிக்காக கொண்டாடி அதகளம் செய்யும் பாவனி!!

பிக்பாஸ் சீசன் 5 நிகழ்ச்சியின் மூலம் காதலர்களாக மாறிய அமீர் - பாவனி விரைவில் திருமணம் செய்து கொள்ள உள்ள நிலையில், இவர்களின் காதலர் தின புகைப்படங்கள் தற்போது சமூக வலைதளத்தில் வைரலாகி வருகிறது.
 

உலகநாயகன் கமலஹாசன் தொகுத்து வழங்கிய பிக்பாஸ் சீசன் 5 நிகழ்ச்சியில் கலந்து கொண்டவர் ஹைதராபாத்தைச் சேர்ந்த சீரியல் நடிகை பாவனி. இவர் ஏற்கனவே சில திரைப்படங்கள் மற்றும் ரெட்டைவால் குருவி போன்ற சீரியலில் நடித்துள்ள நிலையில், தன்னுடன் இணைந்து நடித்த பிரதீப் குமார் என்பவரை காதலித்து திருமணம் செய்து கொண்டார்.

பின்னர் தன்னுடைய காதல் கணவரின் நண்பர் ஒருவருடன், பாவனிக்கு திருமண ஏற்பாடு நடந்த நிலையில் அந்த திருமணமும் சில பிரச்சனைகள் காரணமாக நிறுத்தப்பட்டது. இந்த காதல் தோல்வியில் இருந்து மீள்வதற்காக, கமலஹாசன் தொகுத்து வழங்கி வரும் பிக்பாஸ் சீசன் 5 நிகழ்ச்சி கலந்து கொண்டார்.

தற்போது சுதந்திர பறவைகளாக தங்களுடைய காதலை அனுபவித்து வரும் அமீர் - பாவனி ஜோடி விரைவில் திருமணம் செய்து கொள்ள உள்ளதை, அமீர் சமீபத்தில் கொடுத்த  பேட்டி ஒன்றில் கூறியுள்ளார். இன்னும் சில மாதங்களில் தங்களுடைய திருமண தேதியை இந்த ஜோடி வெளியிடும் என எதிர்பார்க்கப்படும் நிலையில், தற்போது காதலர் தின புகைப்படங்களை வெளியிட்டு இன்ப அதிர்ச்சி கொடுத்துள்ளனர்.